Կարծես երեկ լիներ, երբ նոր էինք սկսում այս ուսումնական շրջանը, իսկ այսօր այն արդեն պետք է ամփոփել։ Օրերն արագ են անցնում, երբ ժամանակդ հետաքրքիր ես անցկացնում, և այս ուսումնական տարին շատ արագ անցավ։ Բոլոր ուսումնական տարիները մեզ համար բացահայտումների տարիներ են։ Նոր մարդիկ, նոր ուսուցիչներ, նոր ծրագրեր ու աշխատելու ավելի շատ մոտիվացիա։ Այս ուս․ շրջանը նույնպես բացառություն չէր և լի էր նոր ու հետաքրքիր ծրագրերով։ Ինչպես իսկական սեբաստացին, ես նույնպես, ուսումնական տարին սկսում եմ ճամփորդելով։ Գրեթե միշտ ես իմ օրն անցկացնում էի որևէ բարձունք հաղթահարելով, սակայն այս տարին այլ կերպ սկսեցի։ Որոշեցի այս անգամ ավելի հանգիստ որևէ տեղ ընտրել և օրս լցնել արվեստով։ Արեցի այնպես, ինչպես որոշել էի։ Ուղղությունը դեպի «Նկարիչների միություն»։ Երբ տարիդ սկսում ես հետաքրքիր մարդկանցով և օրդ հագեցնում արվետսով, աշխատելու մոտիվացիան էլ ավելի է շատանում։ Այս տարին իսկապես հագեցած էր, և ուզում եմ ներկայացնել իմ ստացված կամ միգուցե չստացված նախագծերը։
Գրականության դասերն իմ ամենասիրելիներից են։ Շատ սիրում եմ կարդալ, ուսումնասիրել ու բացահայտել նոր գրողների։ Եվ այսպես, գրքեր կարդալը դարձավ իմ հոբբիներից մեկը։ Ես որոշեցի ստեղծել մի այնպիսի հարթակ, որը ոչ միայն ինձ, այլ նաև մյուս ընթերցասեր մարդկանց հնարավորություն կտա ծանոթանալու տարբեր գրքերի։
Գրականություն առարկայից իմ բոլոր աշխատանքներին կարող եք ծանոթանալ՝ այստեղ։
Անգլերեն առարկայից իմ բոլոր աշխատանքներին կարող եք ծանոթանալ՝ այստեղ։
Արդեն մեկ տարի է, ինչ <<Հայոց լեզվի քերականություն>> դասաժամն իմ դասացուցակի մի մասն է։ Ինչպես անցած անգամ, այս տարի նույնպես, մենք կարդացել ենք, գրել ենք, փնտրել ենք, թարգմանել ենք․․․Դասերի ընթացքում՝ քերականությունից զատ, իրականացրել ենք շատ նախագծեր։ Արել ենք հետազոտական աշխատանքներ, թարգմանություններ։ Այս ծրագրով աշխատելը հետաքրքիր է։ Այս նախագծերի շնորհիվ մենք միանգամից զարգացնում ենք մի քանի ունակություններ։ Թարգմանում ենք, փոխադրում ենք, սրբագրում ենք, և այս ամենի շնորհիվ, էլ ավելի ենք զարգացնում լեզուն, այդ թվում նաև օտար լեզուները։ Մի խոսքով, իրականացրել ենք ամենատարբեր ու ամենահետաքրքիր հետազոտություններն ու նախագծերը։ Ուսումնական շրջանը ստացված էր, հետաքրքիր։ Մեր խմբի բոլոր սովորողների մոտ նկատվում է մի կարևոր առաջընթաց։ Բոլորս շատ արագ կարողանում ենք փոխադրել տեքստեր՝ արևմտահայերենից։ Այդ փաստը շատ ոգևորող է։ Միշտ էլ աշխատանքդ կարողանում ես էլ ավելի հաճույքով անել, երբ այն պարզ է և հրաշալի ստացվում է։ Վստահ եմ, որ կհամաձայնեք։ Այս դասընթացի իմ ձեռքբերումներից մեկն էլ սա էր։ Ես այժմ կարողանում եմ առանց դժվարություն փոխադրել արևմտահայերեն տեքստերը։
Այս առարկայից իմ աշխատանքներին կարող եք ծանոթանալ՝ այստեղ
Գրեթե բոլորին էլ հետաքրքրում է բնությունը, աշխարհը, ամենատարբեր երկրները՝ իրենց խնդիրներով ու դրանց հավանական լուծումներով։ Էկոլոգիայի շնորհիվ մենք ուսումնասիրում ենք այս ամենը։ Իրականացրել ենք տարբեր նախագծեր, հետազոտել ենք, աշխատել ենք և՛ թիմային, և՛ անհատական։
Էկոլոգիա առարկայից իմ աշխատանքներին կարող եք ծանոթանալ՝ այստեղ։
Այս տարին լի էր նորություններով, սակայն սովորողների համար դրանցից ամենահետաքրքիրը՝ հետազոտական աշխատանքներն էին։ Իհարկե մեզ համար նման աշխատանքները նորություն չեն, սակայն այս անգամ, այն լինելու է ավելի ծավալուն։ Աշխատանքը դժվար է, երկար ժամանակ է պահանջում, սակայն հետաքրքիր է։
Իմ աշխատանքները «Պատմություն» առարկայից։
Իմ աշխատանքները «Մաթեմատիկա» առարկայից։
Բոլոր նախագծերն ու աշխատանքները թվարկել չեմ կարող, դրանք շատ են, դրա համար ձեզ առաջարկում եմ՝ իմ բլոգը ։
Այս ուսումնական շրջանն իսկապես շատ հետաքրքիր էր։ Էլ ավելի մեծ ոգևորությամբ սպասում եմ ուսումնական երկրորդ շրջանին՝ Ձմեռայի ճամբարին։ Կհանդիպենք շատ շուտով․․․