Բարև ձեզ, ես Վահե Մուսայելյանն եմ: Ես սովորում եմ 5-րդ դասարանում: Հիմա կպատմեմ ձեզ իմ ամառային արձակուրդներից `մեկ օրվա մասին: Ամառային մի գեղեցիկ օր մենք ուղևորվեցինք Վայոց Ձորի մարզ, քաղաք Եղեգնագնաձոր ` գյուղ Գետափ: Մեր ճանապարհը շատ հետաքրքիր էր իր բնությունով` լեռներով, սարեր ու ձորերով և Արարատյան դաշտավայրով:Ես այդ ընթացքում լուսանկարեցի այդ ամենը, որպեսզի ձեզ ցույց տամ:
Հետաքրքիր էր ճանապարհին դասավորված մրգերը, բանջարեղենները, գինու շշերը,որոնք մարդիկ դրել էին վաճառքի: Այդ ամենը կարծես թե բաց երկնքի տակ ցուցահանդես լիներ:
Գետափ գյուղը իմ մայրիկի ծննդավայրն է: Այնտեղ են ապրում նաև մայրիկիս բարեկամները և այդ երկու օրվա ընթացքում հասցրեցինք բոլորին այցելել: Այն տունը, որտեղ մայրիկս ծնվել և իր մանկությունն է անցկացրել շատ մեծ է ու գեղեցիկ, իսկ բակում կա մի մատուռ, որտեղ մայրիկիս տատիկը բուժել է շատ մարդկանց: Մայրիկս ասում է , որ իր տատիկը հեքիմ է եղել և տարբեր տեղերից եկած մարդկանց է բուժել: Իսկ տունը իր այգով գտնվում է Եղեգիս գետի ափին:
Գետափ գյուղում է գտնվում նաև հայտնի Վեդի Ալկո գինու գործարանը: Ես շատ հետաքրքիր օր ունեցա մայրիկիս հորաքրոջ տանը: Ես մայրիկիս հորաքրոջը օգնեցի այգուց բանջարեղեն հավաքել, պնդուկ հավաքել, ինչպես նաև բադերին ու ճտերին կերակրել: Ինձ շատ դուր եկան նաև այգու արևածաղիկները:
Մի խոսքով ես այնտեղ էլ փորձեցի Սեբաստացի լինել` օգնել և օգտակար լինել մարդկանց ու այդ ամենը նկարել և լուսաբանել:
Վահե Մուսայելյանի բլոգ 