Լոռի Բերդը` միջնադարյան անառիկ ամրոց է, գտնվում է ներկայիս Լոռու մարզում՝ Ստեփանավանից 4,5 կմ հեռավորության վրա։ Գտնվում է Ձորագետ և Ուռուտ կիրճերի հատման մասում։ Ընդգրկված է Լոռի Բերդի պատմության և մշակույթի անշարժ հուշարձանների ցանկում։
Հիմնադրել է Դավիթ Անհողինը 10-րդ դարում։ Գտնվելով հյուսիսային առևտրական ճանապարհի վրա՝ Լոռին եղել է առևտրաարհեստագործական խոշոր կենտրոն միջնադարյան Հայաստանում. առևտրական ճանապարհներով կապված էր Անիի, Դվինի և ուրիշ քաղաքների հետ։ XI — XIII դդ. ունեցել է շուրջ 10 հզ. բնակիչ։